 自錄自截1920P x 1080P 超高清大圖，評分回帖獎勵+3壇幣
張寶兒（粵拼：zoeng1 bou2 ji4，英文：Bowie Cheung，1991年10月10號—）係香港女藝人，曾經參選2016年度《香港小姐競選》並攞到「友誼小姐」獎項。而家係香港無綫電視旗下經理人合約女藝員。
早年經歷
張寶兒喺香港出世，中學讀聖保羅男女中學，之後喺英國倫敦大學讀書，主修人文地理，而佢係一個基督徒[1]。佢喺參選港姐之前，係一個產品經理。
參選香港小姐
2016年，張寶兒參加咗香港無綫電視嘅《香港小姐競選》，入到最後十強，而佢喺2016年9月7號嘅「友誼小姐」互選入面得最多票數，而成為「友誼小姐」。
藝員生涯[編輯]
張寶兒跟住簽約加入咗無綫電視，讀2016年無綫電視演藝進修班，畢業後主要喺節目主持嘅方面發展。2017年4月，佢加入細路節目《猩猩補習班》做其中一位新主持，同埋《甜心教室》做主持學整麵包；同年5月又喺資訊節目《學是學非》第五輯做其中一位新「是非精」主持，開始畀觀眾留意。
家庭[編輯]
張寶兒家境富裕，成家住緊跑馬地禮頓山，屋企人響禮頓山至少有七個單位。
張寶兒有個細妹叫做張寶欣，並且喺2017年提名張寶欣參選《2017年度香港小姐競選》，最後張寶欣雖然只係入到最後五強，但攞到「最受歡迎香港小姐」獎項，由張寶兒用上屆「友誼小姐」嘅身份頒獎。
感情生活
張寶兒頭一個男友Jonathan響佢讀高中嗰陣識，拍咗八年拖，到佢入娛樂圈後因為想專注事業而和平分手。
2017年，張寶兒拍節目《打工捱世界II》期間同過藝員袁偉豪合作，幾個月後傳出佢哋兩個拍拖，到8月中佢哋正式承認拍緊拖。
|
